مؤشر البنزين فى الطابلوة غير مظبوط

من مشكله لاحد الاعضاء

عندى عوامة البنزين مش مظبوطه بمعنى وهى العربيه واقفه بتدى مؤشر عن البنزين ولما امشى تزيد شرطتين

 فتحت الوش بتاع التانك اللى رابط على الطرمبة وطلعت العوامه عملت تانيه للريشة بتاع العوامه علشان تلمس للريوستات  ورجعت العوامه فى الطرمبة وربط الغطاء على الطرمبة لكن مش قوى على اعتبار لو حبيت افكه تانى يبقى سهل الفك خصوصا انى اقعدت ادق حوالين الغطاء لحد مافتح وطلعت اجرب العربيه مشيت طبيعى وفجاءه لقيت مؤشر البنزين  بعد ماكان فى النص  اتحول بقى قبل الفول بشرطة مشيت طبيعى وبعدين لقيت العربيه بتنتش  وبتدى زى دبه  ونتشات بين الغريات  لفيت ورجعت لقيته على السلانسيه ميته مش قادره تطلع مطلع او تطلع من نقر الطريق

 رجعت  رفعت الكرسى اللى وراء علشان اشوف التانك تانى لقيت شئ غريب  مكنتش اعرفه ان التانك عامل زى القربه كانه بينكمش ويتمدد

 اللى لقيته عندى ان التانك كانه فش ومدى تلامسه بصاج العربيه من تحت وسع

 طلعت الطرمبة اتاكد ان مفيش فيه مشكله  وربطت  عليه المره ده كويس جدااااا  وطلعت جربت لقيت المؤشر بقى مظبوط والتنتيش اختفى والدبه مشيت ومبقتش موجوده

 المعلومه هى ان لو بيحصل عندك تنتيش جامد وخصوصا فى النقلات ممكن تفتكرها فتيس لكن المشكله بتكون طرمبة البنزين  وكمان لو عندك السحب ضعيف بردو المشكله بتكون منه فى احيان كتير

 والتانك عامل زى البلونه=D

 ولزم تربط الغطاء اللى على رابط على طرمبة البنزين كويس جدااا لان ممكن الطرمبة عندك سليمه لكن مش مربوط الغطاء كويس