الفتيس الاوتو وأعطاله
فى البدايه ( من باب رد الفضل لأصحابه )
هذا الموضوع من عمل مركز اوتو مارش لصيانة السيارات بحدائق الاهرام
خلاصة القول في فتيس التيجو الأوتومتيك وسيبك بقي من كلام التوكيل وكل الكلام الي سمعته قبل كده عن الفتيس ده.
اكتشفت سبب كرة الناس لفتيس التيجو الاوتومتيك وهو ان محدش بيفهم فيه والصنايعي الي بيشتغل فيه بيبقي خايف انه ميعرفش يوصل لسبب المشكله وفي الغالب بيحل ربع المشكله من غير ما يقضي عليها نهائياً وبيبقي مش فاهمه ولا دارسة لطبيعه تعليمة ومحدودية المعلومات الي بيحصل عليها واعتماده علي مبدأ التجربة والخطأ الي بيودي الي خسائر كبيرة الي اصحاب العربيات.
-----------------------------------------------------------------------------------
اولاً قصه الفتيس مع الزيت
شوية تسأل يقولك انت تحط زيت ابيض وشوية يقولك التوكيل بيحط زيت احمر وشوية يأكدلك وشوية يحلفلك وكل الناس الي ادتك معلومة عن الزيت كلامهم صح 100% العيب مش من معلومتهم العيب من الفتيس نفسه.
في البداية انت لازم تعرف ان فتيس التيجو هوهو فتيس البيجو هو هو نفس فتيس الرينو ميجان والستروين واسمه الكودي DPO AL4 صنع في فرنسا ، الفتيس ده في بداية نزولة الأسواق كان فيه مشكله وكان بيبوظ بسرعه لسبب تافه والجميل ان تكلفة اصلاح التلف لن تتخطي 3 دولار ولكن مصنعية الفك والتركيب كانت تتخطي ال 200 دولار والمشكله كانت متمثلة في شنمبر متواجد في مكان اسمه ديل الفتيس. هتلاقي صور ليهم في البوست.
( الشنمبر ده عبارة عن قطعه بتحكم ضغط الزيت شكلها عبارة عن دائرة مفصولة علشان الدائرة دي توسع وقت الحاجه لتوسيعها فيعدي الزيت وتتقفل فيتم منع الزيت)
المهم الشنبر ده مع السخونية كان بيبوظ ليه ياعم الحج ؟ لان الزيت السخن كان بيعمل تليين للشنبر ويخليه علي الوضع المفتوح دائماً مش سوء خامه ولكن سوء تصميم فيؤدي إلي ان دائرة الزيت مفتوحه دائماً فميباقش في ضغط زيت فيحصل تفويت. الشركه المصنعه للفتيس ادركت المشكله وقامت بحلها علي الفور بتغير تصميم الشنبر ليصبح شبة مغلق وليس مفصول ولكن بعد ان تم تصنيع ما يقرب عن 30 الف فتيس حول العالم ! الإنتاج المعيب ده راح فين ؟ جزء منه في رينو ميجان وبيجو وستروين وحبه في الأخر لشيري فكان الحل علشان ميعملوش مرتجع للفتيس او يعملوا ليه صيانه وتغيير انهم يحطوا في الفتيس زيت إستجابته لإرتفاع درجه الحرارة ضعيف الأ وهو الزيت الأبيض الكهرباء مبيسخنش جامد زي بقيت الزيوت وبالتالي مش هيبوظ الشنبر ده ويهرب ضغط الزيت فالفتيس يفوت ومينقلش الغيار ويقطع.
طب انهي عربيات اسبرنزا الي فيها الشنبر القديم هقول لحضرتك العربيات الي هي موديل 2009 حتي نصف 2010 وعلشان منلغبطش نفسنا بص في رقم الشاسية بتاع عربيتك الي في الرخصة لقيته بيبدأ ب 0900 او 09000 اعرف ان فية الشنبر القديم وعلشان تحافظ علي اداء الفتيس لازم تحط زيت أبيض ودي كانت القصة المتعلقة بالزيت وشنابر ديل الفتيس والتفويت.
ومشاركه من اوتو مارش هتلاقي فديو في أول كومنت بيعرفك ازاي تفك ديل الفتيس وازاي تغير الشنابر وتصلحها بنفسك :)
----------------------------------------------------------------------
ثانياً:- اسباب تلف الفتيس.
1) سبب تلف الفتيس في المقام الأول هو علبة البلوف.
2) سبب تلف علبة البلوف في المقام الأول هو الزيت المحمل بالرايش.
3) سبب تلف الزيت في المقام الأول هو عدم تغييرة ( ينصح بتغييرة كل 30 ألف كيلو.)
44) سبب تلف الفتيس وتفويته هو نقصان الزيت فيتم حرق الشنابر والبريك باند وشوية حبشتكانات تاني جوة
-----------------------------------------------------------------------
ثالثاً :- مشاكل متنوعه.
1) عربية بتقطع وبتنتش علي الغيار التاني للتالت = شوف سلك حساس السرعه
22) عربية بتأخر غيار وبترزع جامد في النقلات = علبة البلوف مش مظبوطه لاما تغيرها لاما تنضفها بنفسك.
3) عداد السرعه بيعلي جامد قوي والعربية مبتمشيش نفس القدر = تفويت في الفتيس
4) بتدوس بنزين صوت الماتور بيعلي ومفيش حركه موزاية اعمل اتشيك علي حساس الفرامل
------------------------------------------------------------------------
رابعاً :- معلومات علي السريع
11) مفيش حاجه اسمها حاسس فتيس باظ = في حاجه اسمها حساس سلكه مقطوع او اتكسراو عاوز يتنضف وده فديو للإثبات عملي لتصليح حساس ضغط الفتيس ابو 1000 جنيه قبل زيادة الاسعار (https://www.youtube.com/watch?v=Dk55qrfRQZI)
2) مفيش حاجه اسمها طقم سيرفس نغير 22 سولونيد و زيت (اي بتنجان واي هري وفلوس بتتسرق منك) ولكن ينصح بتنظيفهم جيداً ويفضل تغيرهم لو الحاله المادية متيسرة.
3) خلي بالك من الي بيقولك نغير زيت ونجرب لان لو المشكله اتحلت اعمل حسابك هترجع تاني بسرعه والحل الصح هو انك تطلع علبة البلوف وتنضفها خد ده فديو بيوريلك ازاي تعملها بنفسك (https://www.youtube.com/watch?v=WsJBWWLtP7w)
4) علبة البلوف عبارة عن شرايين كده زي شرايين القلب بتتسد من الرايش والمفروض كل 100 الف كيلو تتنضف.
5) لو مشيت بالعربية لحد 500 الف ومغيرتش زيت فتيس قوم شيد حيلك وغيرة النهارده وحدد نوع زيتك زي ما قولتلك فوق
6) لو مشيت بالعربية من 700 الف إلي فوق ومغيرتش زيت فتيس قوم يلا شد حيلك ونزل علبة البلوف ونضفها وغير الزيت ( صيانه وقائية مهمه جدا) اياً كان موديل عربيتك.
-----------------------------------------------------------------------
خامساً :- تعمير ميكانيكا الفتيس
7) انك تصلح ميكانيكا الفتيس بتاع عربيتك ده شيء مش صعب ولا مستحيل ابسولوتلي بصوت اللمبي الصعب هو انك تخرج الفتيس من الماتور :D :D :D :D :D
8) الفتيس من جوة شكله غريب وتحسه زحمه ومليان حاجات كتير ، في واقع الأمر الفتيس اسهل مما يكن في عملية إصلاحه وذلك لأن تصميمة عبارة عن مجموعات مجمعه لا يمكن بصورة أو بأخري فك قطعه وتركيبها مكان الأخري ولا يوجد مقاسات معينه او محدده بمعني ان القطعه الي شلتها من الفتيس هتركب في نفس مكانها بكل سهولة.
3) مشاكل تفويت الفتيس لن تخرج عن الأتي:-
- شنابر ديل الفتيس وشرحنا دي عبارة عن إيه قبل كده
- البريك باند وده عبارة عن طوق كده مهمته الفرمله داخل الفتيس ايون بيفرمل التروس نفس وظيفة تيل الفرال ولما الطوق ده بيتاكل وبيتنحل التروس مبتفرملش وبتالي العربية مبتمشيش ولا بتطلع عزم وهما 3 اطواق داخل الفتيس.
- الكلاتشات ودي بقي اكتتررر حاجه بتبوظ لما بتمشي بالفتيس حرق وتسقيط دول فكرتهم زي فكرة الإسطوانه بتاعت الفتيس المانيول بعد فترة بتحتاج تغيرهم الفتيس فيه حوالي 30 قطعه وإستحالة كلهم يبوظوا مرة واحده سعر الكلاتش الواحد 70 جنيه ممكن يكون الفتيس مفوت وتفتح تلاقي نفسك محتاج تغير 5 او 6 كلاتشات فقط وتقفل تاني ويرجع يشتغل زي الفل الكلاتش لما بتطلعه بيبان عليه هو بايظ ولا لاء هو ممسوح ولا مش ممسوح زي الإسطوانه بالظبط.
- علبة البلوف عبارة عن شرايين قلب بيمشي فيها الزيت في مسارات معينه ومحدده بتتحكم في المسارات دي حاجه اسمها الصمامات علشان تنقل من غيار لغيار ساعات العلبة بتكون مسدوده وبالتالي الزيت مبيوصلش والغيار يتأخر او يجي بنتش او ميجيش اصلاً :( فهتحتاج تنضفها.
9) ايوة انا قولت ان الفتيس سهل وادي الفديو الي بيثبت كلامي (https://www.youtube.com/watch?v=zEDQ-7mpAuE) في ثلث ساعه فتح ونضف وعمر فتيس
10) الكتالوج الرسمي لصيانات الفتيس الاوتومتيك وطريقة فكة والأدوات المستخدمه الي مهندسين المركز بيمشوا عليه في اللينك ده (https://www.mediafire.com/?dxqaq94h89jl1ei)
----------------------------------------------------------------
سادساً :- مش عارف اسمي القسم ده إيه خلينا نخش في الموضوع
حاجات كده ممكن تتعرف عن الفتيس بالكشف علي الكمبيوتر زي مثلا السولونيدات وطرمبة زيت الفتيس ودرجه الحرارة واداء السونيدات الصغيرة وحالة الحساسات وادائها.
ملحوظه ساعات يقولك الحساس الفلاني بايظ ولكن الحساسات دي ما هي إلا قراءه للوضع الحالي فلما بتقراء الوضع الحالي للفتيس بترس القرائات الي الكمبيوتر الي بيشوفها غير منطقيه فالكمبيوتر يقولك الحساس بيبعت قرائات غير منطقية بالمرة فيقولك ان الحساس بايظ في حين ان الحساس مظلوم والفتيس هو الي مجنون :D انا مش عاوز اجزم ان الحساسات مش بتبوظ ولكن صعبببببببببببببببببببببب قووووووووووووووووووووووي انها تبوظ
